Thursday, January 5, 2012

ဂျပန်စာ ခန်းဂျိ (Kanji) စာလုံး ရေးနည်း လေ့လာရ အောင်

漢字の筆順

မိတ်ဆက်
ဒီပို့စ်မှာ ဂျပန်စာလုံး (၃) မျိုး ရှိတဲ့အနက်က ခန်းဂျိ (kanji) လို့ခေါ်တဲ့ တရုတ်ဆီက မွေးစားထားတဲ့ စာလုံးတွေ ဘယ်လိုရေး (စုတ်ချက်ဆွဲ) ကြသလဲ ဆိုတာ နည်းနည်း ဆွေးနွေးပါမယ်။ ကျနော်တို့ မြန်မာစာမှာ ပါဠိစာ ကို မွေးစားထားသလိုပါပဲ။ ဂျပန်စာမှာလည်း တရုတ်စာလုံးတွေ မွေးစားထားပါတယ်။ ကွာခြားချက်က မြန်မာစာမှာ ပါဠိစာရဲ့ အသံတွေကိုပဲ မွေးစားခဲ့ကြပေမယ့် (*ပါဠိဘာသာဟာ အသံပဲ ရှိတယ်ဆိုပဲ) ဂျပန်စာမှာကျတော့ တရုတ်စာလုံးတွေနဲ့ သူတို့၏ အသံတွေကို တပါတည်း မွေးစားခဲ့ကြပါတယ်။ တရုတ်လူမျိုးတွေက han-ji လို့ ခေါ်ပြီး ဂျပန်တွေက kan-ji လို့ ခေါ်တဲ့ ဒီစာလုံးတွေဟာ တရုတ်လူမျိုးတွေအတွက်တော့ ခေတ်ဟောင်းက စာလုံးတွေပါပဲ။ ဒီတော့ စာလုံးမြင်လိုက်တာနဲ့အသံထွက်ကွဲပေမည့် ဂျပန်ကော တရုတ်ပါ စာလုံး၏အဓိပ္ပါယ်ကို နားလည်နိုင်ကြပါတယ်။ ခန်းဂျိ စာလုံးပေါင်း ငါးသောင်းလောက်ရှိတယ်လို့ ဆိုကြပါတယ်။ ယေဘုယျအားဖြင့်တော့ စာလုံးရေ နှစ်ထောင်၊ သုံးထောင်လောက် သိထားတယ်ဆိုရင် အတော်ဟုတ်နေပါပြီ။ စာလုံးမြင်တာနဲ့ ဘယ်လို ရေး (စုတ်ချက်ဆွဲ) ရမလဲ ဆိုတာ နားလည်စေချင်တာ ဒီပို့စ်ရဲ့ ရည်ရွယ်ချက်ဖြစ်ပါတယ်။

နမူနာ စာလုံး
အခု အောက်က စာလုံးလေးကို လေ့လာကြည့်ပါ။ လှုပ်နေသော ပုံလေး ဖြစ်တာမို့ ဆွဲတဲ့ စုတ်ချက်ကို လိုက်ကြည့်နိုင်ပါလိမ့်မယ်။ မြန်မာလို “မေးခွန်း” လို့ အဓိပ္ပါယ်ရသော စာလုံးဖြစ်ပါတယ်။ (* ပုံမမြင်ရပါက display images ကို နှိပ်ရန် လိုပါသည်။)

ဒါလေး ကြည့်ပြီးရင် အောက်က စုတ်ချက်ဆွဲနည်းတွေ ဆက်ဖတ်ပါ။ ဆွဲနည်း ဥပဒေသတွေ နားလည်ပြီးသွားရင် ဒီပုံလေးကို လာပြန်ကြည့်ကြည့်ပါ။ ဘယ်နေရာမှာ ဘာကြောင့် ဘယ်လိုဆွဲလိုက်သလဲ ဆိုတာ သဘောပေါက်သွားမယ်လို့ ယူဆပါတယ် ခင်ဗျာ။

ခန်းဂျိစာလုံးများ၏ ရေးသားနည်းသဘောတရား…
ခန်းဂျိ စာလုံးတွေကို ကြည့်လိုက်ရင် လေးထောင့်စပ်ပါတယ်။ ပိန်ရှည်ရှည်ကြီးတို့ ပုပြားပြားကြီးတို့ မရှိပါဘူး။ သစ်ရွက်နဲ့ ဥပမာ ပေးရမယ်ဆိုလျှင် တစ်ချို့စာလုံးတွေဟာ စာတစ်လုံးပဲ ပါပါတယ်။ တစ်ချို့စာလုံးတွေကျတော့ စွယ်တော်ရွက်လို စာနှစ်လုံးပေါင်းပြီး တစ်လုံး လုပ်ထားပါတယ်။ ဒီလိုပေါင်းစပ်ထားတဲ့ အစိတ်အပိုင်းတွေကို radical (ဂျပန်လို ဘုရှူ bushu 部首) လို့ ခေါ်ကြပါတယ်။ စာလုံးတစ်လုံးမှာ ဘယ်လောက်ပဲ radical တွေ ပေါင်းစပ်ထားပါစေ ပြီးပြည့်စုံတဲ့ စာလုံးတစ်လုံးဟာ လေးထောင့်စပ်စပ် ပုံစံနဲ့ ရှိနေပါတယ်။ ဒီတော့ radical နှစ်ခု ဘေးချင်းယှဉ်ထားတဲ့ စာလုံးမှာ radical တွေဟာ ရှည်လမျောပုံစံ တည်ရှိနေပြီး radical နှစ်ခု အပေါ်အောက် ပူးထားတဲ့ ပုံတွေမှာ radical တွေဟာ ပြားချပ်ချပ်ပုံစံနဲ့ စာလုံးကို အထောက်အကူပြုနေပါမယ်။ အောက်က စာလုံးတွေ လိုက်ဆွဲကြည့်တဲ့ အခါ မိမိရေးလိုက်တဲ့ စာလုံးဟာ လေးထောင်စပ်နေမှသာ သရုပ်မှန်သော စာလုံးဖြစ်ပါမယ်။ လေးထောင်စပ်အောင် ဘယ်လို ဆွဲမလဲ ? စဉ်းစားကြည့်တဲ့အခါ ဘယ်ဘက်အပေါ်ထောင့်ကို ဦးစားပေးဆွဲပါတယ်။ နောက်ဆုံးစုတ်ချက်ဟာ ညာဘက်အောက်ထောင့် ဖြစ်ပါတယ်။

စုတ်ချက်ဆွဲနည်း ဥပဒေသများမှာ…
အောက်ပါအတိုင်းဖြစ်ပါတယ်။

၁) အပေါ်ကနေအောက်၊ ဝဲမှယာ
ရေးဆွဲရပါမယ်။

အပေါ်ကပုံဟာ
မျဉ်းကြောင်းသုံးကြောင်း
အထက်အောက်ထပ်ထားတဲ့
စာလုံးပါ။ ဥပဒေသအရ
အပေါ်မျဉ်းကြောင်းမှ စဆွဲပါတယ်။
မျဉ်းတစ်ကြောင်းချင်းဆီကို ဝဲမှယာသို့ ရေးဆွဲရပါမယ်။

၂) ဦးစွာ အလျားလိုက်၊ ပြီးမှ ဒေါင်လိုက်
ရေးဆွဲရပါမယ်။

အပေါ်ကပုံမှာ
အလျားလိုက်မျဉ်းတစ်ကြောင်း၊
ဒေါင်လိုက်မျဉ်းတစ်ကြောင်းနဲ့
ဖွဲ့စည်းထားပါတယ်။ ဥပဒေသအရ
အလျားလိုက်မျဉ်းကို အရင်ဆွဲပါတယ်။
ပြီးမှ ဒေါင်လိုက်မျဉ်းကို ဆွဲရပါတယ်။
စုတ်ချက်တိုင်း ဥပဒေသ(၁)အရ
အပေါ်ကနေအောက်၊ ဝဲမှယာ
ရေးဆွဲရပါတယ်။

၃) တံစို့ထိုးတံသည် နောက်ဆုံးမှ
ရေးဆွဲရပါမယ်။

အပေါ်ကပုံမှာ
အပေါ်အောက်တန်းနေတဲ့
ဒေါင်လိုက်မျဉ်းဟာ တံစို့လို ဖြစ်နေပါတယ်။
ဒီမျဉ်းမျိုးကို နောက်ဆုံးမှ ဆွဲရပါမယ်။

၎) စလွယ်ကန့်လန့် ညာမှစ
ရေးဆွဲရပါမယ်။

အပေါ်ကပုံမှာ
စလွယ်ကန့်လန့်စင်း နှစ်ကြောင်း
ပါနေပါတယ်။ ဥပဒေသ(၁) အရ
အပေါ်ကနေအောက် အရင်ဆွဲလာပါတယ်။
ကန့်လန့်စင်းနှစ်ကြောင်းအနက်
ညာဘက်က အကြောင်းကို
ညာမှဘယ်သို့ စဆွဲရပါမယ်။

၅) ဒေါင်လိုက်ခေါက်ချိုးညီရင် အလယ်ကစ၊ ဘယ်ပြီးမှ ညာ
ရေးဆွဲရပါမယ်။

အပေါ်ကပုံဟာ
ဒေါင်လိုက်ခေါက်ချိုးညီနေတယ်လို့
ဆိုနိုင်ပါတယ်။ ဒါဆို ဥပဒေသအရ
အလယ်မျဉ်းမှ စဆွဲပါမယ်။ ပြီးရင်
ဘယ်ဘက်ကို ဖြည့်ပါတယ်။
နောက်ဆုံးမှ ညာဘက်ကို ဖြည့်ပါတယ်။

၆) ဘယ်ဘက်ဒေါင်လိုက်မျဉ်းကို ဦးစားပေး
ရေးဆွဲရပါမယ်။

ဒေါင်လိုက်မျဉ်းကော
အလျားလိုက်မျဉ်းကော
ပါနေပါတယ်။ ဘယ်မျဉ်းကို
ဦးစားပေးဆွဲရမလဲ။ ဒီဥပဒေသအရ
ဘယ်ဘက်က ဒေါင်လိုက်မျဉ်းကို
ဦးစားပေးဆွဲရပါမယ်။ ဒါတကယ်တမ်းတော့
ဘယ်ဘက်အပေါ်ထောင့်ကို
စနေရာချလိုက်တဲ့ သဘောပါ။
စာလုံး လေးထောင့်စပ်အောင်လို့ပေါ့။

၇) ဘောင် အရင်ခတ်ပါ။

အပေါ်ကပုံမှာ လေးဘက်လေးတန်
ဘောင်ခတ်ပြီး အထဲမှာ တစ်ခုခု
ထည့်ထားတာ တွေ့နိုင်ပါတယ်။
ဒါဆို အဲဒီ့ ဘောင်ကို အရင် ခတ်ပေးရပါမယ်။
လေးထောင့်စပ်မှာဖြစ်တဲ့အတွက်
ဘယ်အစွန်ဒေါင်လိုက်အကြောင်းဆွဲပါတယ်။
ပြီးရင် ညာဝိုက်အောက်ချတစ်ကြောင်းဆွဲပါမယ်။
ပြီးရင် အောက်က တစ်ကြောင်းပိတ်ပါမယ်။
ဒါ့ကြောင့် ဘောင်လေးဘက်ကို
စုတ်သုံးချက်တည်းနဲ့ ဆွဲရတယ်လို့
မှတ်သားထားရပါမယ်။

၈) အောက်ပိတ်မျဉ်းဆို နောက်ဆုံးမှ
ရေးဆွဲရပါမယ်။

အပေါ်ပုံမှ radical နှစ်ခု
ပေါင်းစည်းပြီး စာလုံးဖြစ်နေပါတယ်။
အောက်ပိတ်မျဉ်းပါတဲ့ radical သည်
ဘယ်ဘက်တွင် ရှိသော်ငြားလည်း
နောက်ဆုံးမှ ရေးဆွဲရပါတယ်။

၉) အစက်၊ အပျောက်တွေ နောက်ဆုံးမှ

အပေါ်ပုံမှာ အစက်၊အပျောက် တစ်ခု
ပါပါတယ်။ ဒီအစက်၊အပျောက် ကို နောက်ဆုံးမှ ရေးဆွဲရပါမယ်။

ဥပဒေသက အားလုံးပေါင်းမှ ဒီကိုးချက်ပဲ ရှိပါတယ်။ ဒါလေးတွေ မှတ်မိပြီဆိုရင် မိတ်ဆွေ အနေနဲ့ ဘယ်စာလုံးမဆို (ကိုယ်မသိတဲ့ စာလုံးပင် ဖြစ်စေ) ဘယ်လို ရေးဆွဲရမလဲ၊ စုတ် ဘယ်နှစ်ချက် ရှိမလဲဆိုတာ သိနိုင်ပါပြီ။

ကဲ…. အခု ကျနော်တို့ လေ့ကျင့်တဲ့ အနေနဲ့ အောက်မှာ ဖော်ပြထားသော “လူ” ဆိုတဲ့ စာလုံးကို ဘယ်အကြောင်းက စဆွဲရမလဲ ခန့်မှန်းပေးကြည့်ပါလား။ အဖြေကို အောက်မှာ ဖော်ပြထားပါတယ်။ ကျော်တော့မဖတ်နဲ့နော်း :)

မှန်းကြည့်လို့ ရပါသလား ခင်ဗျာ ? ပုံမှာ စလွယ်ကန့်လန့် နှစ်ခုတည်း ပါပါတယ်။ ဒါ့ကြောင့် ဥပဒေသ (၄) အရ ကန့်လန့်စင်းနှစ်ကြောင်းအနက် ညာဘက်က အကြောင်းကို ညာမှဘယ်သို့ စဆွဲရပါမယ်။ အောက်မှာ ဆွဲနည်းကို ကြည့်ပါ။

ကဲ…. အခု ကျနော်တို့ လေ့ကျင့်တဲ့ အနေနဲ့ အောက်မှာ ဖော်ပြထားသော “နှလုံးသား” “မုချ၊ ဆက်ဆက်၊ မပျက်မကွက်” ဆိုတဲ့ စာလုံးကို ဘယ်အကြောင်းက စဆွဲရမလဲ ခန့်မှန်းပေးကြည့်ပါလား။ အဖြေကို အောက်မှာ ဖော်ပြထားပါတယ်။ (* 2011-12-16 နေ့တွင် စာအမှား ပြင်ပါသည်။)

မှန်းကြည့်လို့ ရပါသလား ခင်ဗျာ ? ဆွဲရမည့် စုတ်ချက်အစဉ်ကို အရောင်နဲ့ ခွဲခြားထားပါတယ်။ အနက်ရောင် အရင့်ဆုံး စုတ်ချက်ကို အရင်ဆုံးဆွဲပါ။ အဖျော့ဆုံးစုတ်ချက်ဟာ နောက်ဆုံးပါ။ ပုံမှာ စလွယ်ကန့်လန့် နှစ်ခုနဲ့ အစက်အပြောက်တွေ ပါပါတယ်။ ဒါ့ကြောင့် ဥပဒေသ (၄) အရ ကန့်လန့်စင်းနှစ်ကြောင်းအနက် ညာဘက်က အကြောင်းကို ညာမှဘယ်သို့ စဆွဲရပါမယ်။ ပြီးရင် ဘယ်ကန့်လန့်စင်းဆွဲရပါမယ်။ ဒီအချိန်မှာ ဒေါင်လိုက်ခေါက်ချိုးညီသွားပါတယ်။ ဒါ့ကြောင့် ဥပဒေသ (၅) အရ အစက်သုံးချက်အနက် အလယ်အစက်ကို အရင်ချ၊ ပြီးတော့မှဘယ်အစက်ကိုချ၊ နောက်ဆုံးမှ ညာအစက်ကို ချပါတယ်။

ကျနော် ဖော်ပြချင်တာကတော့ ဒီလောက်ပါပဲ ခင်ဗျ။ အခု အပေါ်မှာ ဖော်ပြခဲ့တဲ့ “မေးခွန်း” ဆိုတဲ့ စာလုံးကို ပြန်ကြည့်ကြည့်ပါ။ မိတ်ဆွေ ထိုစာလုံးရဲ့ စုတ်ချက်ဆွဲပုံနဲ့ စုတ် ဘယ်နှစ်ချက်ဆွဲထားတယ်ဆိုတာ နားလည်လောက်ပြီဟု ထင်ပါတယ်။

လေးစားရပါသော ဆရာ ဦးအောင်ရွှေအား ဦးညွှတ်လျှက် ဤဆောင်းပါးကို ရေးပါသည်။ အချက်အလက် ခိုင်မာမှုရှိစေရန် ဝိကီ ကို မှီငြမ်း ထားပါသည်။ ပုံများလည်း ဝိကီမှ ရယူပါသည်။
uıǝɥʇǝʎɐ
credit to: www.myanmarfamily.org , aye-ninty.blogspot.com , layhtankone.wordpress.com
Sync your files online and across computers with @Dropbox. 2GB account is free! http://db.tt/ueUS3oq
ပြန်လည်ကူးယူဖော်ပြပါပါက အထက်ပါလင့်များအား source အဖြစ် creditပေး ဖော်ပြပေးရန် လိုပါသည်။

1 comments:

Mike (lanes) said...

There is a great tool Digeus I recommend to use this software when operational system freezes or chashes. I also use Windsty Tune Up Suite. It restores system to a healthy state.

Related Posts Plugin for WordPress, Blogger...